مەودا میدیا-

 

بەڕێوەبەرایەتی كەشناسیی و بومەلەرزەزانیی سلێمانی پێشبینییەكانی كەشوهەوای 48 كاتژمێری داهاتووی ناوچە جیاوازەكانی هەرێمی كوردستانی بڵاوكردەوە و تێیدا هاتووە، ئاسمانی ئەمڕۆ و سبەی بە شێوەیەكی گشتیی ساماڵ و نیمچەهەور دەبێت و سبەی هەینی ئەگەری نمەباران هەیە لە ناوچە شاخاوییەكاندا.

 

 

لە راگەیەندراوەكەی ئەمڕۆی بەڕێوەبەرایەتی كەشناسیی و بومەلەرزەزانیی سلێمانیدا ئاماژە بەوەكرواە، ئەمڕۆ پێنجشەممە 27ی نیسانی 2023 ئاسمان ساماڵ و پەڵە هەور دەبێت پاشان دەگۆڕێت بۆ نیمچە هەور، ئاسمانی سبەینێ هەینی پەڵە هەور و نیمچە هەور دەبێت و لە کاتەکانی ئێوارە لە ناوچە شاخاویەکان ئەگەری کەمێک نمە باران هەیە .

 

هاوكات پلەکانی گەرمای ئەمڕۆ پێنجشەممە بەنزیکەی یەك بۆ دوو پلە بەرزتر دەبێت لە تۆمارکراوەکانی دوێنێ و خێرایی با مامناوەند دەبێت، سەبارەت بە سبەی هەینی کەمێک بەرزتردەبێت لە تۆمارەکانی ئەمڕۆ.

 

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ پێنجشەممە بەپێی بڵاوكراوەكەی بەڕێوەبەرایەتی كەشناسیی و بومەلەرزەزانیی سلێمانی: 

 

هەولێر 30 پلەی سیلیزی

سلێمانی : 28 پلەى سیلیزى

دهۆک : 29 پلەى سیلیزى

کەرکوک : 34 پلەى سیلیزى

هەڵەبجە : 28 پلەى سیلیزى

زاخۆ : 30 پلەى سیلیزى

سۆران : 26 پلەى سیلیزى

گەرمیان : 36 پلەى سیلیزى