مەودا میدیا-

پارێزگاری هەولێر رایگەیاند هەرماڵێک پێوەری کارەبای نەبەستیی بەشێوەی نایاسایی کارەبای راکێشا بێت ئاوا لە ساڵی نوێوە سزا دەدرێت.

فرسەت سۆفی، پارێزگاری هەولێر لە كۆنگرەیەكی رۆژنامەوانیدا رایگەیاند سزای قورسی لەو كەسانە دەدرێت كە كارەبایان بەشێوەیەكی نایاسایی راكێشاوە.

وتیشی: هەر ماڵێك پێوەری كارەبای نەبەستووە یان بە شێوەی نایاسایی كارەبای راكێشاوە ئەم مانگە مۆڵەتە و سزا نادرێن، بەڵام لە مانگی یەكی ساڵی نوێوە سزای قورس بەسەر ئەو كەسانەدا دەدرێت.

پارێزگاری هەولێر راشیگەیاند: كە لە سەرەتای ساڵی داهاتووەوە لە هەموو ناوچەكانی شاری هەولێر دەست دەكەن بە هەڵمەتێك بۆ دۆزینەوەی ئەو ماڵ و شوێنانەی کە بە شێوەی نایاسایی كارەبایان راكێشاوە.