مەودا میدیا- سازگار ئەحمەد

ئەندامانی ئەنجومەنی پارێزگای سلێمانی یاداشتێکییان واژۆکردووە و داوا لە ئەنجومەنی وەزیرانی هەرێمی کوردستان دەکەن کە داشکاندن بۆ قەرزی کەڵەکەبووی سەرپێچی لە لێخوڕین و ساڵانەی ئۆتۆمبێل بکەن.

هۆشیار ئیسماعیل، ئەندامی ئەنجومەنی پارێزگای سلێمانی بە مەودا میدیای راگەیاند "پێشنیازێکمان ئاراستەی ئەنجومەنی وەزیرانی هەرێمی کوردستان کردووە لەبارەی داشکاندن بە رێژەی لە 20% بۆ ئەو شۆفێر و خاوەن ئۆتۆمبێلانەی کە قەرزی کەڵەکەبووی سەرپێچی لە لێخوڕین و ساڵانەی ئۆتۆمبێلیان لایە".

ئاماژەی بەوەشکرد "نووسراوی فەرمیمان ئاراستەی ئەنجومەنی وەزیران کردووە و داواکارییەکەمان تیادا خستووەتەڕوو، چاوەڕێی وەڵامی ئەنجومەنی وەزیران دەبین لەبارەی ئەو بڕیارەوە".