ئابووری
نرخی نەوت بە رێژەیەكی كەم بەرزدەبێتەوە
مەودا میدیا - سلێمانی |
مەودا میدیا-
بە رێژەیەكی كەم، بەهای نەوت لە جیهاندا بەرزبوونەوەی بەخۆوە بینی، ئەوەش پاش جێگیربوونی نرخەكەی لەماوەی چەند هەفتەی رابردوودا و مەترسیی دروستبوونی بەربەستی ئابووریی بەهۆی دابەزینی بەهای نەوتی ئەمەریكا.
ئەمڕۆ دووشەممە 8ی ئایاری 2023، نرخی نەوتی برێنت لە بازاڕەكانی جیهاندا 6 سەنت بەرزبووەوە و یەك بەرمیل نەوتی برێنت بە 75.36 دۆلار مامەڵەی پێوەكرا، هاوكات نرخی نەوتی رۆژئاوای تەكساسی ئەمەریكی هاوشێوە بەرزبوونەوەی تۆماركرد.
بەپێی ئاژانسە ئابوورییەكانی جیهان، یەك بەرمیل نەوتی خاوی تەكساسی ئەمەریكیی ئەمڕۆ دووشەممە بە 71.42 دۆلار مامەڵەی پێوەكراوە و بەهاكەی بەراورد بە چەند رۆژی رابردوو 8 سەنت بەرزبووەتەوە.
ئەوەش لەكاتێكدایە جێگیریی و مانەوەی نرخی نەوت لە ئاستێكی نزمدا لەماوەی سێ هەفتەی رابردوو، مەترسیی ئابووری لەسەر ویلایەتە یەكگرتووەكانی ئەمەریكا دروستكردبوو، بەو پێیەی یەكێكە لە گەورەترین وڵاتەكانی بەكاربەری نەوت لە جیهاندا.
هاوكات جەنگی نێوان رووسیا و ئۆكرانیا یەكێكە لە فاكتەرە سەرەكییەكانی پاشەكشەكردنی وەبەرهێنان و دابەزینی نرخی نەوت لە جیهاندا.
ژ.ع
بیروڕا
