مەودا میدیا -

 

دوای ئەوەی دوێنێ لە گوندێکی سەر بە قەزای ئاکرێ برایەک بەهۆی هەڵەیەکەوە فیشەکێک لە دەستی دەردەچێت و بەر خوشکەکەی دەکەوێت و گیان لەدەست دەدات، هەڵدێت بەرەو ناوچەیەکی نادیار و ئەمڕۆ خۆی رادەستکردووە.

 

ئەمڕۆ دووشەممە 8ی ئایاری 2023 بەڕێوەبەرایەتیی پۆلیسی ئاکرێ رایگەیاند "ئەو کەسەی دوێنێ بەهۆی هەڵەیەکەوە خوشکەکەی خۆی کوشت لە گوندی کێلەسپی سەر بە ناحیەی گردەسێنی قەزای ئاکرێ و دواتر هەڵهات بەرەو ناوچەیەکی نادیار، ئەمڕۆ خۆی رادەستی پۆلیسی ئاکرێ کردووە".

 

باسی لەوەشکردووە "بەپێی مادەی 405 لە یاسای سزادان پەڕاوی لێکۆڵینەوە بۆ تاوانبار کراوەتەوە و لێکۆڵینەوەکان بەردەوامن".

 

ئەمە لەکاتێکدایە، دوێنێ لە گوندی کێلەسپی ژنێکی تەمەن 26 ساڵ لەلایەن برایەکییەوە بە هەڵە کوژرا و بەپێی زانیارییەکان ئەو ژنە دایکی منداڵێکە.

ر.ع