مەودا میدیا-

لەدوای بەرزبوونەوەی نرخەكەی بە رێژەیەكی كەم، ئەمڕۆ سەرلەنوێ بەهای نەوتی خاو لە بازاڕەكانی جیهاندا دابەزی و ئەوەش بووەتە هۆی دروستبوونی نیگەرانیی لە دروستبوونی كێشەی ئابووریی، بەتایبەت لە كاتێكدا ئابووریی جیهان لە لێواری تەنگژەدایە.

ئەمڕۆ سێشەممە 9ی ئایاری 2023، نرخی نەوتی خاوی برێنت لە بازاڕەكانی جیهاندا بە رێژەی لەسەدا 0.34 دابەزینی بەخۆوە بینی و لەكاتی كردنەوەی بازاڕەكانی نەوت لە جیهان یەك بەرمیل نەوتی برێنت بە 76.75 دۆلار مامەڵەی پێوەكرا، هاوكات نرخی نەوتی رۆژئاوای تەكساسی ئەمریكی هاوشێوەی برێنت دابەزی.

بەپێی ئاژانسە ئابوورییەكانی جیهان، یەك بەرمیل نەوتی خاوی تەكساسی ئەمریكیی ئەمڕۆ سێشەممە بە 72.95 دۆلار مامەڵەی پێوەكراوە و بەهاكەی بەراورد بە دوێنێ دووشەممە 22 سەنت دابەزیوە.

هەفتەی رابردوو بانكی فیدراڵیی نرخی سوودی نەوتی خاوی بەرزكردەوە بەمەبەستی كەمكردنەوەی ئەو ئاڵۆزییە ئابوورییەی لەمدواییەدا لە جیهاندا هەیە، ئاماژەی بەوەشكرد لە داهاتوویەكی نزیكدا پێویستە رێژەكە زۆر زیاتر بكرێت.

ئەوەش لەكاتێكدایە جێگیریی و مانەوەی نرخی نەوت لە ئاستێكی نزمدا لە ماوەی سێ هەفتەی رابردوو، مەترسیی ئابووری لەسەر ویلایەتە یەكگرتووەكانی ئەمریكا دروستكردبوو، بەو پێیەی یەكێكە لە گەورەترین وڵاتەكانی بەكاربەری نەوت لە جیهاندا.

هاوكات جەنگی نێوان رووسیا و ئۆكرانیا یەكێكە لە فاكتەرە سەرەكییەكانی پاشەكشەكردنی وەبەرهێنان و دابەزینی نرخی نەوت لە جیهاندا.

ژ.ع