مەودا میدیا-

پاش ئەوەی داتا و ژمارەكانی تایبەت بە بەهای نەوتی ئەمەریكی  و رێژەی خەزنكراوی ئەو بەرهەمە لە كۆگاكانی ویلایەتە یەكگرتووەكانی ئەمەریكا، لەلایەن پەیمانگەی پێترۆڵی ئەمەریكییەوە بڵاوكرایەوە، ئەمڕۆ سەرلەنوێ نرخی نەوت دابەزینی زیاتری بەخۆوە بینی.

ئەمڕۆ چوارشەممە 10ی ئایاری 2023، نرخی نەوتی برێنت لە بازاڕەكانی جیهاندا 53 سەنت دابەزیوە و یەك بەرمیل نەوتی برێنت بە 76.91 دۆلار مامەڵەی پێوەكرا، هاوكات نرخی نەوتی رۆژئاوای تەكساسی ئەمەریكی هاوشێوە دابەزینی تۆماركرد.

بەپێی ئاژانسە ئابوورییەكانی جیهان، یەك بەرمیل نەوتی خاوی تەكساسی ئەمریكیی ئەمڕۆ چوارشەممە بە 73.18 دۆلار مامەڵەی پێوەكراوە و بەهاكەی بەراورد بە چەند رۆژی رابردوو 53 سەنت بەرزبووەتەوە.

بەهۆی ئەوەی ئاماژە هەیە بۆ دابەزینی ئاستی خواست لەسەر نەوتی خاو، رێژەی نەوتی كۆگاكانی نەوتی ویلایەتە یەكگرتووەكانی ئەمەریكا بۆ 3.6 ملیۆن بەرمیل لە كۆتایی ئەم هەفتەیەدا بەرزبووەوە، ئەوەش بووە هۆی زیادبوونی بەنزینی خەزنكراو بە رێژەی 399 هەزار بەرمیل، لە داتا و زانیارییەكانی پەیمانگەی پێترۆڵی ئەمریكی ئەو زانیارییانە ئاشكراكراوە.

هاوكات جەنگی نێوان رووسیا و ئۆكرانیا یەكێكە لە فاكتەرە سەرەكییەكانی پاشەكشەكردنی وەبەرهێنان و دابەزینی نرخی نەوت لە جیهاندا.

ژ.ع