مەودا میدیا-

دوانیوەڕۆی ئەمڕۆ لەسەر رێگەی  کەلار - کفری ئۆتۆمبێلێک وەرگەڕا و شۆفێر و سەرنشینێک برینداربوون گواسترانەوە بۆ نەخۆشخانە.

بەڕێوەبەرایەتیی هاتوچۆی گەرمیان رایگەیاند "دوانیوەڕۆی ئەمڕۆ هەینی 16ی حوزەیرانی 2023 لەسەر رێگەی کەلار - کفری بەرانبەر گوندی "حاجی عەواد " ئۆتۆمبێلێکی جۆری کیا سیراتۆ بە ئاڕاستەی کەلار هاتووە کۆنترۆڵی لەدەستداوە وەرگەڕا بەهۆیەوە شۆفێرەکە و سەرنشیێک برینداربوون".

ئاماژەی بەوەکراوە "هەردوو بریندارەکە خوشک و بران و گواسترانەوە بۆنەخۆشخانەی فریاکەوتنی شەهید هەژار لە کەلار، تیمی هاتوچۆی لێکۆڵینەوە یان لە رووداوەکە دەستپێکردووە".

س.ر