مەودا میدیا - رۆژ عەدنان

 

وتەبێژی هاتوچۆی دهۆک رایدەگەیەنێت بەرەبەیانیی ئەمڕۆ لەسەر رێگای دهۆک – شێخان رووداوێکی هاتوچۆ روویداوە و بەهۆیەوە حەوت کەس بوونەتە قوربانی.

 

ئەمڕۆ شەممە 17ی حوزەیرانی 2023 ئازاد تەها، وتەبێژی هاتوچۆی دهۆک بە مەودا میدیای راگەیاند "لە رووداوێکی هاتوچۆدا لە نێوان دوو ئۆتۆمبێلی جۆری نیسان پاس و نیسان پیکابدا لەسەر رێگای سەرەکیی دهۆک – شێخان و لە نزیک بریڤکا حەوت کەس بوونە قوربانی".

 

ئاماژەی بەوەشکرد "یەکێک لەو کەسانە گیانی لەدەستداوە و شەش کەسی دیکەش بە سەختیی برینداربوون و رەوانە نەخۆشخانە کراون".