مەودا میدیا - 

 

بەڕێوەبەرایەتیی ئاسایشی هەولێر رایدەگەیەنێت لە ئۆپەراسۆنێکدا توانیومانە سێ تۆمەتباری سەرەکیی باندێکی دروستکردنی دۆلار ئەمەریکی و دیناری عیراقی ساختە دەستگیربکەین.

 

ئەمڕۆ دووشەممە 19ی حوزەیرانی 2023 بەڕێوەبەرایەتیی ئاسایشی هەولێر رایگەیاند "لە ئۆپەراسیۆنێکی تایبەتدا دوای وەرگرتنی بڕیاری دادوەر توانیمان سێ تۆمەتباری سەرەکیی باندێکی دروستکردنی دۆلاری ئەمەریکی و دیناری عیراقی ساختە لە هەولێر دەستگیربکەین".

 

باسی لەوەشکردووە "دەستیشگیراوە بەسەر پارە ساختەکراوەکاندا و سەرجەم کەلوپەلەکانی ساختەکردنی دراو و دوو قاڵبی زێڕی ساختە و پارچەیەک شوێنەواردا".

 

ئاسایشی هەولێر وتوشیەتی "سەرجەم تۆمەتبارەکان رەوانەی دادگا کراون و پەڕاوی لێکۆڵینەوەیان بۆ کراوەتەوە".

ر.ع