مەودا میدیا- سازگار ئەحمەد

نیوەڕۆی ئەمڕۆ لەکاتی کێڵانی زەوییەک هاوڵاتییەک لەڕێگەی باشماخ - پێنجوێن بەهۆی دەستکاریکردنی تەنێکی نامۆوە رووداوێکی تەقینەوە روویدا و گیانی لەدەستدا.

زانا عەبدولرەحمان، قایمقامی قەزای پێنجوێن بە مەودا میدیای راگەیاند "نیوەڕۆی ئەمڕۆ پێنجشەممە 22ی حوزەیرانی 2023 خاوەنی تراکتۆرێک لەکاتی کێڵانی زەوییەکەی، لە رێگەی باشماخ - پێنجوێن تەنێکی نامۆ دەدۆزیتەوە و دوای دەستکاریکردنی، تەنەکە دەتەقێتەوە پیایدا و بەوهۆیەوە گیانلەدەستدەدات".

قایمقامی قەزای پێنجوێن لەبارەی ناسنامەی ئەو کەسەی گیانی لەدەستداوە وتی "ئەو هاوڵاتییە بە رەگەز فارسە و ناوی (مەهدی جەلال رۆستەمییە)".

هاوڵاتییەکە گواستراوەتەوە نەخۆشخانەی گشتیی پێنجوێن و ئاسایش و پۆلیسیش بە مەبەستی لێکۆڵینەوە چوونەتە شوێنی رووداوەکە.

س.ر