مەودا میدیا-

توێژەرانی ویلایەتە یەكگرتووەكانی ئەمەریكا توانییان بە بەكارهێنانی خانەی رووەكی و تەكنەلۆجیای سیڵیكۆز ئینسۆلینێكی رووەكی بەرهەمبهێنن كە دەبێتە جێگرەوەی دەرمان و دەرزییەكانی ئینسۆلین بۆ تووشبووانی نەخۆشیی شەكرە.

لە زانكۆی پێنسیڵڤەینیای ویلایەتە یەكگرتووەكانی ئەمەریكا توێژینەوەكە ئەنجامدراوە و لە رووەكە بەرهەمهێندراوەكەیاندا هەرسێ پێپتایدەكانی ناو ئینسۆلین هەیە، كە دەكرێت تووشبووانی شەكرە لەرێگەی دەمەوە بیخۆن و لەكاتی پێویستدا رێژەی شەكرەی پێ هاوسەنگ بكەنەوە.

ئەو مادە بۆهێڵییانەی لە دیواری خانە رووەكییەكەدا هەن پارێزگاریی لە ترشەڵۆك و ئەنزیمەكانی سیستمی بەرگریی دەكەن هەتا دەرمانەكە دەگاتە میكرۆبەكانی گەدە و رێكخستنی ئینسۆلینی جەستە، دواتریش بە رێڕەوەكانی ریخۆڵە و جگەردا رێدەكات هەتا دەگاتە شوێنی مەبەست.

ئینسۆلینە رووەكییەكە لەسەر هەریەك لە مشك و سەگ تاقیكراوەتەوە و ئەنجامەكانیش سەركەوتوو بوون و وەك ئینسۆلینی ئاسایی كاردەكات، لەلایەكی دیكەوە چارەسەر و دەرمان و دەرزییەكانی ئینسۆلین لەئێستادا زۆر گرانبەهان بێجگەلەوەی تەنها ماوەی چەند ساڵێكی كەم كاردەكەن، بەڵام ئەم داهێنانە نوێیە دەكرێت ببێتە هۆی كەمكردنەوەی نرخی دەستكەوتنی دەرمانەكە.

ژ.ع