مەودا میدیا-

لەسەر رێگەی کەلار - دەربەندیخان، رووداوێكی هاتوچۆ بووە هۆی برینداربوونی شەش كەس.

راگەیاندنی هاتووچۆی گەرمیان بەیانیی ئەمڕۆ هەینی 23ی حوزەیرانی 2023 رایگەیاند؛ لەئەنجامی وەرگەڕانی ئۆتۆمبێلێک لەنزیک ئاوەخێری لەسەر رێگەی كەلار-دەربەندیخان شەش کەس بریندربوون.

بەپێی راگەیەندراوەكان ئۆتۆمبێلەكە لە جۆری ئیسوزو isuzu بووە و دەستبەجێ دوای رووداوەكە بریندارەكان گواستراونەتەوە بۆ نەخۆشخانەی شەهید مەلا ئەحمەد لە ناحیەی باوەنور.

لەئەنجامی ئەو رووداوە شۆفێری ئۆتۆمبێلەكە و پێنج لە سەرنشینەکانی برینداربوون و گواستراونەتەوە بۆ نەخۆشخانە، تیمی هاتووچۆش لێکۆڵینەوەی لە رووداوەکە دەستپێکردوە.

سەبارەت بە چۆنییەتی روودانی رووداوەكە ئەوەش هاتووە، ئۆتۆمبێلەکە بە ئاراستەی قەزای دەربەندیخان رۆیشتووە، لەنزیک ئاوەخێری کۆنترۆڵی لەدەستداوە و وەرگەڕاوە.

ژ.ع