مەودا میدیا-

بەپێی لیستی  راگەیەندراوی وەزارەتی دارایی و ئابووری لە هەرێمی كوردستان، سبەی شەممە دەستدەكرێت بە دابەشكردنی پێنج توێژ.

لیستی راگەیەندراوی وەزارەتی دارایی و ئابووری، سبەی شەممە 24ی حوزەیرانی 2023 دەستدەكرێت بە دابەشكردنی مووچەی مانگی ئایار بۆ هەریەك لە (هێزی زێرەڤانی، بەرگری و فریاکەوتن، وەزارەتی کاروباری شەهیدان و ئەنفال کراوان، کەسوکاری شەهیدان لەگەڵ زیندانیانی سیاسی).

لەلایەكی دیكەوە وەزارەتی دارایی و ئابووری رایگەیاند، دابەشكردنی مووچە بەردەوامدەبێت و هەتا پێش جەژن مووچەی سەرجەم مووچەخۆران دابەشدەكرێت.

ئەوەش لەكاتێكدایە، بڕیارە رۆژی یەكشەممە 400 ملیا دیناری شایستە داراییەكانی هەرێمی كوردستان بخرێتەسەر هەژماری بانكیی وەزارەتی دارایی و ئابووری.

هەتا ئێستاش مووچەی مانگی ئایاری هەریەک لە وەزارەتەکانی تەندروستی، پێشمەرگە، دارایی و یەکەکانی 70 و 80، وەزارەتی ناوخۆ و بەڕێوەبەرایەتییەکانی رەگەزنامە و دامودەزگا نەوتییەکان دابەشكراوە.


ژ.ع