مەودا میدیا-

لە بەشێک جاڕە گەنمەکانی سنووری گوندەکانی  شارەزور ئاگرکەوتەوە و زیانێكی زۆری گەیاندووە بە جوتیارانی ناوچەكە.

بەپێی سەرچاوە هەواڵییەكان بۆ مەودا میدیا، زیاتر لە 2000 (دوو هەزار) دۆنم زەوی كشتوكاڵی بەهۆی ئاگرەكەوە سووتاوە.

ئاگرەكە دەمەوئێوارەی ئەمڕۆ كەوتووەتەوە و هەتا چەند كاتژمێرێك بەردەوامیی هەبووە، تیمەکانی ئاگرکوژێنەوە و هاوڵاتییانی ناوچەکەش پێكەوە سەرقاڵی کوژاندنەوەی بوون.

سەبارەت بە مەزەندەی زیانەكان هەتا ئێستا زانیارییەكی ورد ئاشكرا نەكراوە، لایەنی پەیوەندیداریش هیچ زانیارییەكی نەخستووەتەڕوو.

ژ.ع