مەودا میدیا-

بەڕێوەبەرایەتیی كەشناسیی هەرێمی كوردستان كەشی پێشبینیكراوی 48 كاتژمێری داهاتووی راگەیاند و بەپێی زانیارییەكان "ئەگەری تۆزێكی سووك هەیە".

بەپێی كەشناسیی هەرێم ئەمڕۆ دووشەممە  26ی حوزەیرانی 2023  ئاسمان بە گشتیی ساماڵ دەبێت و خێرایى با مامناوەنددەبێت لەنێوان 15 بۆ 25  کیلۆمەتر لە كاتژمێرێكدا, لە کاتەکانی دوانیوەڕۆش بۆ ماوەیەکی کەم بەرزدەبێتەوە بۆ سەروو 30 کیلۆمەتر لە کاتژمێرێكدا بەتایبەتی لە ناوچەکانی باشوور و باشووری خۆرئاوای هەرێم.

هاوكات ئەمڕۆ دووشەممە پلەکانى گەرما کەمێک بەرزدەبێتەوە بەراورد بە تۆمارکراوەکانی دوێنێ، سبەی سێشەممە ئاسمان بە گشتیی ساماڵ دەبێت و ئەگەری تۆزێکی سووک  هەیە بەتایبەت لە ناوچەکانی باشووری هەرێم، پلەکانی گەرماش نزم دەبنەوە بە 2 بۆ 3 پلە بەراورد بە تۆمارەکانی ئەمڕۆ.
  
بەرزترین پلەکانی گەرمای پێشبینیکراو لەلایەن كەشناسیی هەرێمەوە بە پلەی سیلیزی؛

هەولێر     : 40 پلەى سیلیزى
سلێمانی   : 36 پلەى سیلیزى
دهۆک      : 37 پلەى سیلیزى
کەرکوک   :  41 پلەى سیلیزى
هەڵەبجە   : 38 پلەى سیلیزى
حاجی ئۆمەران : 26 پلەى سیلیزى
زاخۆ      :  39 پلەى سیلیزى
سۆران :  38 پلەى سیلیزى
گەرمیان  :  42 پلەى سیلیزى


ژ.ع