مەودا میدیا-

سێ پۆلیسی عیراقی بە دار لە گەنجێكی ئێزیدی دەدەن و دەیان كەس بینەری دیمەنەكەن بێئەوەی هەوڵی لێك جیاكردنەوەیان بدەن.

ڤیدیۆكە ئەمڕۆ چوارشەممە 5ی تەمموزی 2023 لە تۆڕە كۆمەڵایەتییەكان بڵاوكراوەتەوە و كاردانەوەی بەدوای خۆیدا هێناوە، تێیدا لەبەردەم فەرمانگەی رەگەزنامەی ناحیەی گرعوزێر، سێ پولیس بەدار و شەق لە گەنجێکی ئێزیدیی  دەدەن.

خودێدا حەسەن،بەڕێوەبەری ناحیەی گرعوزێر لەوبارەیەوە رایگەیاند "ئاگاداری رووداوەکەین، بەدواداچوونی وردمان کردووە و لەگەڵ پولیس قسەمانکردووە".

بەپێی زانیارییە بەردەستەكان، ئەو گەنجە 22 ساڵە و دانیشتووی ناحیەی گرعوزێرە بەمەبەستی دەرهێنانی کارتی نیشتیمانیی چووەتە فەرمانگەی رەگەزنامە، بەھۆی لادانی لە ریزەكە ئەو سێ پۆلیسە هێرشدەكەنە سەری و لێیدەدەن.

گڕعوزێر ناحییەیەكی سەر بە قەزای شەنگالە لە پارێزگای نەینەوا كە دانیشتووانەكەی ئێزیدین و ناوچەیەكی جێناكۆكە لەنێوان هەردوو حكومەتی ناوەند و هەرێمی كوردستان.

ژ.ع