مەودا میدیا-

بەڕێوەبەرایەتیی ئاسایشی گەرمیان لەسەر داوای هاوڵاتییان هەڵمەتێکی دەستبەسەرداگرتنی ماتۆڕسکیلی بێ سەرەتایان دەستپێکرد.

لە راگەیەندراوێکدا بەڕێوەبەرایەتیی ئاسایشی گەرمیان رایگەیاند "لە چوارچێوەی هەوڵە بەردەوامەکانی هێزەکانی ئاسایشی گەرمیان لەپێناو چەسپاندنی یاسا و فەراهەمکردنی ئاسایش و ئارامی، لەماوەی رابردوودا لەسەر سکاڵای هاوڵاتییان و بە فەرمانی دادوەری لێکۆڵینەوەی ئاسایش لە سەنتەری قەزای کەلار، لە چەند هەڵمەتێکدا دەستیانگرت بەسەر(سەدان) ماتۆڕسکیلی نایاسایی، سەرجەمیان بێ سەرەتابوون و هیچ مەرجێکی سەلامەتیان تێدانەبووە، ببوونە هۆکاری نانەوەی پشێوی و نائارامی و دروستکردنی رووداوەکانی هاتوچۆ".

ئاماژە بەوەکراوە "هەڵمەتەکانی دەستبەسەرداگرتنی ئەو ماتۆڕسکیلانەی کە دەبنەهۆی بێزارکردنی هاوڵاتییان، لەلایەن هێزەکانی ئاسایشەوە بەردەوام دەبێت و سەرجەم سەرپێچیکاران رووبەڕوی یاسا دەکرێنەوە".

س.ر