مەودا میدیا -

 

وەزارەتی دارایی و ئابووری حکومەتی هەرێمی کوردستان رایدەگەیەنێت کڕین و گۆڕینی ئۆتۆمبێل بۆ وەزارەت و فەرمانگە حکومییەکان راگیراوە بەهۆی بارودۆخی دارایی هەرێمەوە.

 

بەپێی زانیارییەکانی مەودا میدیا، نووسراوێک لە وەزارەتی دارایی حکومەتی هەرێمی کوردستانەوە بۆ سەرجەم وەزارەتی و فەرمانگەکان نێردراوە و لە نووسراوەکەدا هاتووە "بەهۆی زۆریی داواکاریی کڕین و گۆڕینی ئۆتۆمبێل و بارودۆخی دارایی حکومەتی هەرێم، لەمەودوا هیچ داواکارییەکی لەو شێوەیە بەرز مەکەنەوە".

 

هەر لە نووسراوەکەدا باس لەوەشکراوە "خەرجیی کڕینی ئۆتۆمبێل و گۆڕینی راگیراوە و بۆ هیچ شوێن و دامودەزگایەک  ئەو کارە ئەنجام نادرێت".

 

ئەمەش لەکاتێکدایە، تەنها لە هەرێمی کوردستاندا نزیکەی 18 هەزار ئۆتۆمبێلی حکومی بوونی هەیە . 

ر.ع