مەودا میدیا - 

 

قایمقامییەتی قەزای رانیە رایدەگەیەنێت سەرجەم ئەو باخی سەوزانەی بە ئاوی زێراب ئاودەدرێن لەناودەبرێن و رێکاری یاساییان بەرانبەر دەگیرێتەبەر.

 

ئەمڕۆ دووشەممە 10ی تەموزی 2023 قایمقامییەتی قەزای رانیە رایگەیاند "لیژنە هاوبەشەکانمان لە قەزای رانیە توانیویانە بە هاوبەشی لەگەڵ بەڕێوەبەرایەتیی ئاسایشی راپەڕین دەستبکەن بە کێڵانەوە و لەناوبردنی ئەو کێڵگانەی کە سەوزەکانیان بە ئاوی قورس (زێراب) ئاودەدەن".

 

باسی لەوەشکردووە "ئاودانی سەوزەی ناو کێڵگەکان بەم جۆرە ئاوە پێچەوانەی رێنماییە تەندروستییەکانە و پەیوەندییەکی راستەوخۆی هەیە بە تەندروستیی هاوڵاتییانەوە".

 

ئەوەشی خستووەتەڕوو "ئەم پرۆسەی لەناوبردنی کێڵگانە بەردەوامدەبێت و هەر خاوەن زەوییەکیش بەم شێوازە ئاوی سەوزەکانی بدات، رێکاری یاسایی بەرانبەر دەگیرێتەبەر".

ر.ع