مەودا میدیا-

بە رێژەی نزیكەی لەسەدا سێ، نرخی خاوی برێنت لە بازاڕەكانی جیهاندا بەرزبوونەوەی بەخۆوە بینی و ئەوەش لە كاتێكدایە لە چەند رۆژی رابردوودا نرخەكەی لە بەرزبوونەوەی بەردەوامدایە.

نرخی بەرمیلێك نەوتی خاوی برێنت لەكانی كردنەوەی بازاڕەكاندا لە جیهان ئەمڕۆ هەینی 14ی تەمموزی 2023 بە 81.63 دۆلار بوو، بەوپێیە نرخەكەی 27 سەنت و بە رێژەی لەسەدا 0.3 بەرزبووەتەوە.

هاوكات یەك بەرمیل خاوی تەكساسی رۆژئاوای ئەمەریكا بە 77.24 دۆلار مامەڵەی پێوەكراوە و نرخەكەی 35 سەنت و بە رێژەی لەسەدا 0.5 بەرزبووەوە.

داتا و ژمارە ئابوورییەكانی جیهان دەریدەخەن، هەردوو بەرهەمە خاوەكە لە ویلایەتە یەكگرتووەكانی ئەمەریكا بەرزبوونەوەیەكی كەمیان بەخۆوە بینیوە.

ئەوەش لەكاتێكدایە دابەزینی بەهای دۆلار لە بازاڕەكانی جیهان بووەتە هۆی دابەزینی نرخی نەوتی خاو بۆ مامەڵەكانی دراوەكانی دیكەی بێجگە لە دۆلار.

ژ.ع