مەودا میدیا-

بەڕێوەبەرایەتیی كەشناسیی هەرێمی كوردستان كەشی پێشبینیكراوی 48 كاتژمێری داهاتووی راگەیاند و بەپێی زانیارییەكان "پلەكانی گەرما زیاتر بەرزدەبنەوە".

بەپێی كەشناسیی هەرێم ئەمڕۆ هەینی 14ی تەمموزی 2023  ئاسمان بە گشتیی ساماڵ و گەرم دەبێت و خێرایى با مامناوەنددەبێت لەنێوان 10 بۆ 20  کیلۆمەتر لە كاتژمێرێكدا.

هاوكات ئەمڕۆ هەینی پلەکانى گەرما  بەرزتردەبێت بە نزیکەی 1 هەتا 2  پلە بەراورد بە  تۆمارکراوەکانى  دوێنێ ، سبەی شەممە ئاسمان بە گشتیی ساماڵ و دەبێت و پلەكانی گەرما نزیکدەبێتەوە لە تۆمارکراوەکانى ئەمڕۆ.

لە هەریەك لە پارێزگای كەركوك و ئیدارەی گەرمیان پلەكانی گەرما بەپێی پێشبینی كەشناسیی هەرێم دەگەنە 47 و 48 پلەی سیلیزی، حاجی ئۆمەرانیش فێنكترین ناوچەی هەرێمە كە بەرزترین پلەی گەرمی تێیدا 30 پلەی سیلیزییە. 
  
بەرزترین پلەکانی گەرمای پێشبینیکراو لەلایەن كەشناسیی هەرێمەوە بە پلەی سیلیزی؛
هەولێر           : 46 پلەى سیلیزى
سلێمانی          : 42 پلەى سیلیزى
دهۆک            : 44 پلەى سیلیزى
کەرکوک         :  47 پلەى سیلیزى
هەڵەبجە         : 46 پلەى سیلیزى
حاجی ئۆمەران : 30 پلەى سیلیزى
زاخۆ             :  44 پلەى سیلیزى
سۆران           :  42 پلەى سیلیزى
گەرمیان         :  48 پلەى سیلیزى

ژ.ع