مەودا میدیا-

لە سنووری ئیدارەی سۆران، نیوەڕۆی ئەمڕۆ رووداوێكی هاتوچۆ لە جۆری لادان لە رێگە روویدا و سەرەنجام چوار قوربانیی لێكەوتەوە.

نیوەڕۆی ئەمڕۆ هەینی 14ی تەمموزی 2023 لەسەر رێگەی كاولۆكان - جوندیان لە ئیدارەی سۆران ئۆتۆمبێلێك لە جۆری پیكئەپ نیسان دەبڵ، لە رێگە لایدا و وەرگەڕا، بەوهۆیەوە چوار كەس برینداربوون.

بەڕێوەبەرایەتیی هاتوچۆی سۆران هەواڵەكەی راگەیاندووە، سەرچاوەكانی هەواڵیش بە مەودا میدیایان راگەیاند، لەئێستادا بریندارەكان رەوانەی نەخۆشخانە كراون بۆ وەرگرتنی چارەسەری پێویست.

ژ.ع