کوردستانی
وتەبێژی حکومەت: هەرێم ناتوانێت تەنها بە داهاتی ناوخۆ مووچە دابەش بکات
مەودا میدیا - سلێمانی |
مەودا میدیا -
وتەبێژی حکومەتی هەرێمی کوردستان رایدەگەیەنێت لە چەند رۆژی داهاتوودا هاوڵاتییانی هەرێم هەواڵی خۆش دەبیستن و حکومەتیش ناتوانێت تەنها بە داهاتی ناوچۆ مووچەی فەرمانبەران دابەش بکات.
ئەمڕۆ یەکشەممە 16ی تەموزی 2023 پێشەوا هەورامانی، وتەبێژی حکومەتی هەرێمی کوردستان رایگەیاند "حکومەتی هەرێمی کوردستان تەنها پشتی بە %83ی داهاتی نەوت دەبەست بۆ دابەشکردنی مووچەی فەرمانبەران و ئەمەش هۆکاری دواکەوتنی مووچەیە".
باسی لەوەشکردووە "لەکاتی ئێستادا ئەو رێژەیە لە داهاتی نەوت بەردەست نییە و نەماوە بۆیە ناتوانێت بە داهاتی ناوخۆ مووچەی فەرمانبەرانی خۆی دابەش بکات".
وتوشیەتی "سەردانی وەفدەکەی حکومەتی هەرێم بۆ بەغدا تەنها بۆ پرسی مووچە نییە، بەڵکو بۆ شایستە داراییەکانی هەرێمە و مافی خۆشمانە کە مانگانە حکومەتی عیراق مووچە و شایستە داراییەکانمان لەکاتی خۆیدا بۆ بنێرێت".
ر.ع
ر.ع
بیروڕا
