مەودا میدیا- سازگار ئەحمەد

بڕیارە ئەمڕۆ شاندێکی باڵای یەکێتیی نیشتمانیی کوردستان لە سلێمانی سەردانی هەردوو حزبی بزووتنەوەی گۆڕان و سۆسیال دیموکراتی کوردستان بکات.

سالار لالە سەرحەد، لێپرسراوی بۆردی پەیوەندییە کوردستانییەکانی یەکێتیی نیشتمانیی کوردستان بە مەودا میدیای راگەیاند "ئەمڕۆ دووشەممە 17ی تەموزی 2023 شاندی یەکێتی لەسەر ئاستی مەکتەبی سیاسی و سەرکردایەتی لە سلێمانی سەردانی حزبی بزووتنەوەی گۆڕان و سۆسیال دیموکراتی کوردستان دەکات".

ئاماژەی بەوەشکرد "سەردانی یەکەم کاتژمێر 10:30 خولەک سەردانی بزووتنەوەی گۆڕان دەکات، سەردانی دووەمیش کاتژمێر 12:30 خولەک سەردانی حزبی سۆسیال دیموکراتی کوردستان دەکات".

لێپرسراوی بۆردی پەیوەندییە کوردستانییەکانی یەکێتی وتی "ئەم سەردان و کۆبوونەوانە درێژەی پێدەری کۆبوونەوەکانی دیکە دەبێت".

س،ر