مەودا میدیا-

بەڕێوەبەرایەتیی کارەبای سلێمانی ئاشکرایکرد، تەواەی ژمێرکارانی سەر بە بەڕێوەبەرایەتیی دابەشکردنی کاروبای رۆژئاوای سلێمانی ئامێری زیرەکی تایبەت بە پارە وەرگرتنیان پێدراو راهینانیان پێکرا.

دوێنێ یەکشەممە 16ی تەموزی 2023 بە ئامادەبوونی ئەندازیار دیار عەبدولستار، بەڕێوەبەری دابەشکردنی کارەبای رۆژئاوا ئامێری زیرەکی پارە وەرگرتن رادەستی ژمێرکاران و ژمێریارانی بنکەکانی پارە وەرگرتنی کارەبا کرا.

بەڕێوەبەری دابەشکردنی کارەبای رۆژئاوا رایگەیاند "دابینکردنی ئەم ئامێرە کارێکی باشە و هاوکاری هاوڵاتییان دەکات، بۆ ئەوەی بەکەمترین کات و بە ئاسانی پاکتاوی کرێی کارەباکانیان بکەن".

ئاماژەی بەوەشکردا "هاوبەشانی کارەبا دڵنیادەکەینەوە ترسیان نەبێت و هەر ژمێرکارێک لەبەردەم ماڵەکەیدا ئامێری زیرەکی پێبوو باجی بەڕێوەبەرایەتیمانی هەڵگرتبوو پارەکەی بدەنێ و راستەوخۆ دەچێتە سیستمەوەو بۆی پاکتاو دەبێت".

س.ر