مەودا میدیا- سازگار ئەحمەد

وەزارەتی دارایی و ئابووریی حکومەتی هەرێمی کوردستان هۆشداریی دەدات بەو کەسانەی پێشینەیان راکێشاوە و کەفیلەکانیان خانەنشین دەبن.

هونەر جەمال، وتەبێژی وەزارەتی دارایی و ئابووریی حکومەتی هەرێمی کوردستان بە مەودا میدیای راگەیاند "بەپێی رێنمایی بانک و گەنجینەکان بێت هەرکەسێک کە پێشینەکانی هاوسەرگیری و خانووبەرەی وەرگرتبێت و کەفیلەکەی خانەنشین ببێت، دەبێت کە فیلی دیکە بهێنێت و ببێتە جێگرەوە".

ئاماژەی بەوەشکرد "بەهۆی ئەوەی کاتێک فەرمانبەرێک خانەنشین دەبێت مووچەی کەمە بۆ ئەوەنابێت ببێتە کەفیل، بۆیە دەبێت گۆڕانکاریی لە کەفیلدا بکرێت".

وتەبێژی وەزارەتی دارایی هەرێم وتی "واباشترە ئەو کەسانەی کە پێشینەیان وەرگرتووە دەزانن کەفیلەکەیان خانەنشین دەبێت کەفیلەکانیان بگۆڕن، بۆ ئەوەی تووشی رێکاری یاسایی نەبنەوە".

س.ر