مەودا میدیا-

لە قەزای كفری، بڕیارە نۆ پرۆژە لە سێکتەرە جیاوازەکاندا بکەوێتە بواری جێبەجێکردن کە دەبنە هۆکاری رەخساندنی هەلی کار و بوژاندنەوەی ئابووری لە قەزاکە.

بەپێی راگەیەندراوی بەڕێوەبەرایەتیی گشتیی وەبەرهێنانی گەرمیان، پرۆژەکان لەئێستادا لە قۆناغی راییکردن و وەرگرتنی مۆڵەتدان لەلایەن بەڕێوەبەرایەتی گشتی وەبەرهێنان.

هاوكات ئەو سێكتەرانەی پرۆژەکانیان تێدا جێبەجێدەكرێت بریتین لە (بازرگانیی، کشتوکاڵیی، پیشەسازیی نیشتەجێبوون و وەرزش).

ئەوەش هاتووە، جێبەجێكردنی ئەو پرۆژانە بەدەرە لەوەی لەماوەی رابردوودا سێ پرۆژەی دیكە لە قەزاکە کەوتوونەتە بواری جێبەجێکردن و لەئێستادا بە گوژمەی نزیکەی 100 ملیۆن دۆلار  کاریان تێدادەکرێت.

ژ.ع