مەودا میدیا -

 

چالاکوانێک رایدەگەیەنێت زیاتر لە 50 کۆچبەری کورد لەناو ئاوی ئیتاڵیادا گیریان خواردووە و داوای بەهاناوەچوون دەکەن، لەنێویاندا ژن و منداڵیش بوونی هەیە.

ئەمڕۆ دووشەممە 24ی تەموزی 2023 رەنج پشدەری، چالاکوان رایگەیاند "زیاتر لە 50 کۆچبەری کورد لەنێو ئاوی ئیتاڵیادا گیریان خواردووە و داوای بەهاناوەچوون دەکەن لە هێزەکانی پۆلیسی ئیتاڵیا و تاوەکو ئێستا نەچوون بەهانایانەوە".

 

جەختیشی کردووەتەوە "لەو شوێنەی ئەو 50 کەسە گیریان خواردووە هیچ هێڵێکی کەشتیش بوونی نییە تاوەکو ئاسانتر بدۆزرێنەوە و رزگار بکرێن، دۆخی ئەو کۆچبەرانە خراپە و تاوەکو ئێستا نزیکەی حەوت کەسیان بووراونەتەوە".

 

ئەمەش لەکاتێکدایە ساڵانە بە هەزارەها هاوڵاتیی بەهۆی بارودۆخی ناهەمواری ژیانەوە لە سەرجەم وڵاتە هەژارەکانەوە کۆچ دەکەن بۆ وڵاتانی دیکە بەمەبەستی باشترکردنی بارودۆخی ژیانیان.

ر.ع