مەودا میدیا- سازگار ئەحمەد

خۆپاراستن لە ناو جەنجاڵی ئەمڕۆدا یارمەتیدەرە بۆ نەهێشتنی فشار و دڵەڕاوکێ، هەندێک کەس ئەو تێڕوانینە هەڵەیەیان هەیە کە خۆپاراستن پێویستی بە خەرجییەکی زۆر هەیە، بەڵام پێگەی Health Shots چەند هەنگاوێکی ئاشکراکردووە بۆ خۆپاراستن کە پێویستی بە هیچ خەرجییەکی دارایی نییە، ئەوانیش بریتین لە:

1- گرنگیدان بە خۆت بە یەکەمین رێگە دادەنرێت بۆ پاراستنی تەندروستیت, چونکە خۆ پشتگوێخستن کاریگەریی نەرێنی لەسەر تەندروستی دەبێت.

2- پاکوخاوێنی وادەکات جەستە بەشێوەیەکی تەندروست بمێنێتەوە.

3- وەرزشکردنی بەردەوام هاوکارت دەبێت کە بە دووربیت لە کێشە تەندروستییەکان و فشاری دەروونیت کەم دەکاتەوە.

4- بۆنی ئارامکەرەوە بەکاربهێنە بۆ جێگەکەت تاوەکو شەوان کاتی خەو ئەو بۆنە ئارامی بە مێشکتان بدات.

5- رۆژانە گرنگە بچیتە ناو سروشت و هەناسەی قووڵ هەڵمژیت.

6- هەوڵبدە کاتێک دیاریبکە بۆ بەکارهێنانی سۆشیال میدیا، بۆ ئەوەی زیان بە تەندروستیت نەگات.

س.ر