مەودا میدیا-

بە رێژەی نزیكەی لەسەدا دوو، نرخی نەوتی خاو لە بازاڕەكانی جیهاندا بەرزبوونەوەی بەخۆوە بینی و ئەوەش لە كاتێكدایە لە چەند رۆژی رابردوودا نرخەكەی لە بەرزبوونەوەی بەردەوامدایە.

نرخی بەرمیلێك نەوتی خاوی برێنت لەكاتی كردنەوەی بازاڕەكاندا لە جیهان ئەمڕۆ هەینی 4ی ئاب- 2023 بە 85.44 دۆلار بوو، بەوپێیە نرخەكەی 30 سەنت و بە رێژەی لەسەدا 0.4 بەرزبووەتەوە.

هاوكات یەك بەرمیل خاوی تەكساسی رۆژئاوای ئەمەریكا بە 81.9 دۆلار مامەڵەی پێوەكراوە و نرخەكەی 36 سەنت و بە رێژەی لەسەدا 1.4 بەرزبووەوە.

بەرزبوونەوەی زیاتری نرخی نەوتی خاو لە جیهان پەیوەستە بە بڕیاری هەریەك لە روسیا و سعودیە بۆ كەمكردنەوەی ئاستی بەرهەمهێنانی نەوت لە كێڵگە نەوتییەكانیاندا.

هاوكات بڕیارە ئەمڕۆ هەینی رێكخراوی وڵاتانی وەبەرهێنی نەوت (ئۆپێك+) تایبەت بە دۆخی بازاڕی جیهانیی نەوت كۆبوونەوە ئەنجامبدەن.

ژ.ع