مەودا میدیا- سازگار ئەحمەد

رۆژانە بەردەوام گۆڕانکاری لە نرخی زێڕدا روودەدات سەرۆكی زەڕەنگەرانی سلێمانیش دەڵێت "چاوەڕوان دەکرێت نرخی زێڕ زیاتر بەرزبێتەوە".

دلێر تاهیر، سەرۆكی زەڕەنگەرانی سلێمانی بە مەودا میدیای راگەیاند "ماوەیەکە نرخی زێڕ لە ئاستێکدا وەستاوە و خواستی کەمی لەسەرە، ئێمە مسقاڵێک زێڕی عەیارە 21 بە 272 دۆلار دەکڕینەوە".

ئاماژەی بەوەشکرد "گۆڕانکاری لە بەهای دۆلاردا هیچ کاریگەرییەکی لەسەر نرخی زێڕ دروست نەکردووە، بەڵکو تەنها کاریگەرییەکەی بۆ هاوڵاتییان و دوکاندارەکانە لەکاتی مامەڵەکردندا".

لەبارەی ئەوەی چاوەڕواندەکرێت نرخی زێڕی چی لێبێت سەرۆكی زەڕەنگەرانی سلێمانی وتی "چاوەڕواندەکرێت نرخی زێڕ بەرزبێتەوە".

س.ر