مەودا میدیا-

بۆ كارئاسانی زیاتر و باشتر خزمەتکردنی هاوڵاتییان لە سێکتەری کارەبا، سیستمی (Go live)ی پێوه‌ری زیره‌ك په‌یوه‌ست به‌ كاروباری فرۆشتنی وزه‌ و هاوبه‌شیكردن ده‌كه‌وێته‌كار.

ئەمڕۆ یەکشەممە 20ی ئابی 2023 كامیل قه‌زار، بریكاری وه‌زاره‌تی كاره‌بای هەرێم بۆ ئەم مەبەستە لەگەڵ به‌ڕێوه‌به‌رانی گشتیی كاره‌بای سلێمانی و كاره‌بای راپه‌ڕین و نوێنه‌رانی لیژنه‌ی باڵای پێوه‌ری زیره‌ك سه‌ردانی به‌ڕێوه‌به‌رایه‌تیی دابه‌شكردنی كاره‌بای رۆژهه‌ڵاتی سلێمانی كرد و له‌ نزیكه‌وه‌ ئاگاداریی وردەکارییەکانی جێبەجێکردنی سیستمەکە و راهێنانی ستاف و دابینکردنی پێداویستییەکانی بوو.

دواتر لە کۆبوونەوەیەکدا، بە ئامادەبوونی بەڕێوەبەرانی گشتیی کارەبای هەڵەبجە و گەرمیان گفتوگۆیان لەسەر  وردەکارییەکانی سیستەمەکە کرد و بڕیارە له‌ یەکەم هەنگاودا لە سنووری بەڕێوەبەرایەتیی دابەشکردنی کارەبای رۆژهەڵاتی سلێمانی جێبه‌جێ بكرێت.

س،ر