مەودا میدیا - 

 

وەزارەتی ناوخۆی حکومەتی هەرێمی کوردستان ئەو فەرمانبەر و ئەفسەر و کارمەندانەی ئاگادار دەکاتەوە کە بۆ خوێندنی ماستەر و دکتۆرا پەسەندکراون سەردانی وەزارەتیان بکەن.

 

ئەمڕۆ دووشەممە 21ی ئابی 2023 وەزارەتی ناوخۆی حکومەتی هەرێمی کوردستان رایگەیاند "داوای نووسرا و سەرەتاکانی وەرگرتن لەو فەرمانبەر و ئەفسەر و کارمەنەی وەزارەتی ناوخۆ دەکەین کە بۆ خوێندنی باڵای ماستەر و دکتۆرا تاقیکردنەوەیان کردووە و پەسەندکراون، تاوەکو سەردانی وەزارەتمان بکەن".

 

جەختیشی کردووەتەوە "بە نووسراوی فەرمی ئەو زانکۆیانەی لێیوەرگیراون، لەماوەی 15 رۆژدا نمرەی وەرگیران و ریزبەندیی وەرگیرانەکەیان دیاریبکەن تاوەکو بەپێی پلانی پەسەندکراوی وەزارەتیان کاری پێویستیان بۆ ئەنجامبدرێت".

ر.ع