مەودا میدیا - 

 

لە باشووری رۆژئاوای مەراکیش لە وڵاتی مەغریب بەرەبەیانیی ئەمڕۆ بومەلەرزەیەک بە گوڕی 6.8 پلەی رێختەر روویدا و بەوهۆیەشەوە نزیکەی 300 کەس گیانیان لەدەستدا و چەندین باڵەخانەش وێرانبوون.

 

ئەمڕۆ شەممە 9ی ئەیلولی 2023  وەزارەتی ناوخۆی مەغریب رایگەیاند "تاوەکو ئێستا بەهۆی بومەلەرزەکەوە 296 کەس گیانیان لەدەستداوە و 153 کەسی دیکەش برینداربوون، ژمارەیەکی زۆر باڵەخانە و خانوو رووخاون و پێدەچێت ژمارەی قوربانییەکان بەرزتر ببێتەوە ".

 

باسی لەوەشکردووە " ئەو کەسانەی بوونەتە قوربانیی لە ناوچەکانی ئەلحۆز، مەراکش، وزازات، ئەزیلا، شاشاوا و تارودانتن و برینی هەندێک لە بریندارەکانیش سەختە ".

 

روونیشی کردووەتەوە "شاری مەراکیش کە شارێکی قەرەباڵغ و گەشتیارییە زۆرترین زیانی بەرکەوتووە و دەیان باڵەخانەی مێژوویی وێرانبوون و زیانی زۆریان پێگەیشتووە ".

ر.ع