مەودا میدیا-

سەرۆكی كۆمیتەی زانستی بەرنگاربوونەوەی كۆرۆنا لە تاران رایگەیاند، سێ دەرمان بۆ خێرا چاكبوونەوەی توشبووانی كۆرۆنا خراوەتە بازاڕەوە و سەركەوتوبووە.

مەستەفا قانعی، سەرۆكی كۆمیتەی زانستی بەرنگاربوونەوەی كۆرۆنا لە تاران لە كۆنگرەیەكی رۆژنامەنوسیدا رایگەیاند "لەگەڵ پزیشكانی پسپۆڕ لە زانكۆكان لێكۆڵینەوەمان لەبارەی ئەو دەرمانانە كردووە كە دەبنە هۆی چاكبوونەوەی توشبووانی كۆرۆنا".

ئەو دەرمانانە پێكدێن لە پردنی زۆلۆن، ئیزیترۆمایسین، ناپرۆكسن، كاریگەری خێرایان لەسەر چاكبوونەوەی نەخۆشانی كۆرۆنا هەیە.

باسی لەوەشكردووە "دەرمانەكان لەسەر دوو گروپی توشبووی كۆرۆنا تاقیكراوەتەوە و سەركەوتوو بووە".

بەپێی دواین ئامارەكان لە ئێران زیاتر لە 16 هەزار توشی كۆرۆنا بوون و سەرو 700 كەسیش گیانیان لە دەستداوە.