مەودا میدیا -

 

ئەنجومەنی وەزیرانی عیراق رایدەگەیەنێت لە مانگی ئەیلولەوە مانگانە 700 ملیار دینار بۆ مووچەی فەرمانبەرانی هەرێمی کوردستان دەنێردرێت.

 

ئەمڕۆ یەکشەممە 17ی ئەیلولی 2023 ئەنجومەنی وەزیرانی عیراق رایگەیاند "بڕیاردراوە لە مانگی ئەیلولەوە مانگانە 700 ملیار دینار بۆ مووچەی فەرمانبەرانی هەرێمی کوردستان بنێردرێت و هەریەکە لە بانکەکانی رافیدەین و رەشید و بازرگانی بڕی پارەکە بە شێوەی قەرز بۆ هەرێم دەنێرن".

 

باسی لەوەشکردووە "دەبێت لە ماوەی 30 رۆژدا وردبینی ژمارەی فەرمانبەرانی هەرێمی کوردستان کۆتایی پێبهێندرێت و بە تەواوەتی ژمارەی فەرمانبەران و خانەنشینان و سوودمەندبووانی چاودێری کۆمەڵایەتیی هەرێم بکرێت".

 

ئەمەش لەکاتێکدایە، ئەمەش لەکاتێکدایە، ئەمڕۆ ئەنجومەنی وەزیرانی عیراق کۆبووەوە و بڕیاریاندا بە ناردنی بڕی 700 ملیار دینار بۆ ماوەی سێ مانگی لەسەر یەک بۆ مووچەی فەرمانبەرانی هەرێمی کوردسان.