عیراقی
سودانی: هێرشکردنە سەر عیراق لەلایەن تورکیا و ئێرانەوە جێگەی قبووڵکردن نییە
مەودا میدیا - سلێمانی |
مەودا میدیا -
سەرۆک وەزیرانی عیراق رایدەگەیەنێت نابێت عیراق ببێتە گۆڕەپانی یەکلاکردنەوەی ململانێکان و هێرشکردنە سەر خاکی عیراق لەلایەن تورکیا و ئێرانەوە رەتدەکەینەوە.
ئەمڕۆ پێنجشەممە 21ی ئەیلولی 2023 محەمەد شیاع سودانی، سەرۆک وەزیرانی عیراق رایگەیاند "نابێت عیراقەکەمان ببێتە گۆڕەپانی یەکلاکردنەوەی ملمملانێکان و دەستدرێژیی بۆ سەر خاکی عیراق رەتدەکەینەوە و بەهیچ شێوەیەک سازشی لێناکەین".
باسی لەوەشکردووە "لەگەڵ تورکیا، لە دادگای نێودەوڵەتیی سکاڵامان لەسەر یەکتریی هەیە و گفتوگۆکانیشمان سەبارەت بە دەستپێکردنەوەی هەناردەی نەوت لەگەڵیان دەستپێکردووە".
سەرۆک وەزیرانی عیراق جەختیشی کردووەتەوە "ئەو هێرشانەی دەکرێنە سەر خاکی عیراق لەلایەن تورکیا و ئێرانەوە رەتدەکەینەوە و جێگای قبووڵکردن نییە".
ر.ع
ر.ع
بیروڕا
