مەودا میدیا-

شەوی رابردوو لە قەزای حەمدانییەی پارێزگای موسڵ لە ئاهەنگێکی هاوسەرگیریدا ئاگر کەوتەوە و لە ئەنجامدا زیاتر لە 100 کەس گیانیان لەدەستدا و برینداربوون.

بەهۆی رووداوەکەوە محەمەد شیاع سودانی، سەرۆک وەزیرانی عیراق سێ رۆژ ماتەمینیی گشتی لە عێراق راگەیاند، هەروەها لە قەزای دیوانییەش هەفتەیەک ماتەمینی راگەیەندرا.

ئاگره‌كه‌ی حه‌مدانیه‌ له‌ هۆڵێكی ئاهه‌نگگێڕانی بوك گواستنه‌وه‌ بوه‌ و به‌پێی ئه‌و زانیاریانه‌ی ده‌ست مه‌ودا میدیا كه‌وتووه‌، سه‌ره‌ڕای ئه‌وه‌ی زیاتر له‌ 100 كه‌س بوونه‌ته‌ قوربانی، به‌ڵام بووك و زاوا به‌سه‌لامه‌ت رزگاریان بووه‌ و دوای رووداوه‌كه‌ش نزیكه‌ی 9 تۆمه‌تبار له‌سه‌ر كه‌وتنه‌وه‌ی ئاگره‌كه‌ ده‌ستگیركراون و لێكۆڵینه‌وه‌ له‌گه‌ڵیان ده‌ستیپێكردووه‌.

س،ر