مەودا میدیا-

سیر یەكێكە لەو خۆراكە بەسوودانەی بۆ چارەسەر و كەمكردنەوەی كاریگەریی بەشێكی زۆر لە نەخۆشییە درێژخایەنەكان و كێشەكانی تەندروستیی لەلایەن تەندروستكارانەوە پێشنیاردەكرێـت.

بۆ ژمارەیەك كێشەی تەندروستیی وەك كێشەكانی سووڕی خوێن، نەخۆشییەكانی دڵ و شێرپەنجە و هەوكردنە ناوەكییەكانی جەستە سیر چارەسەرە، دەكرێت بە شێوازی جیاوازیش لە خواردندا بەكاربهێندرێت و سوودی هەبێت.

بۆ نەخۆشییەكانی شەكرە و بەرزیی كۆلێسترۆڵیش دەكرێت سیر وەك خۆراكێكی كاریگەر بەكاربهێندرێت بەم شێوازە :

1.سیری كاڵ  بە گەدەی بەتاڵ

خواردنی سیری كاڵ بە گەدەی خاڵی لەگەڵ پەرداخێك ئاو دەبیتە هۆی دابەزینی ئاستی كۆلێسترۆڵ و تەندروستبوونی دڵ وكۆئەندامی سووڕی خوێن.
 

2. چای سیر

بڕێك سیری هاڕاو لەگەڵ دارچینی و ئاوی لیمۆ و ئاو، چایەكی بەتام و بۆنێكی خۆش و سوودێكی زۆری دەبێت. 

3.سیر و هەنگوین

تێكەڵكردنی سیر لەگەڵ هەنگوین، بەتایبەت ئەگەر بە گەدەی خاڵی بخورێت، دەبێتە هۆی كەمبوونەوەی هۆكارەكانی تووشبوون بە گەڕانەوەی ترشەڵۆكی گەدە.

 

4.سیری برژاو

برژاندنی سیر و خواردنی لەگەڵ سۆسی جۆراوجۆر، بەسوودە بۆ رێگریكردن لە زیادبوونی نیشانەكانی تووشبوون بە شەكرە.

5.سیری هاڕاو

دەكرێت تێكەڵبكرێت لەگەڵ زەڵاتە و خواردنە جۆراوجۆرەكان

6.زەیتی سیر

زەیتەكە لەگەڵ زەڵاتە و خواردنی دیكە بەكاردەهێندرێت و سوودێكی زۆر بە جەستە دەگەیەنێت.

ژ.ع