مه‌ودا میدیا - 
 
 كۆمسیۆنی باڵای سه‌ربه‌خۆی هه‌ڵبژاردنه‌كانی عیراق ئاشكرایكرد: 170 كاندیدی هه‌ڵبژاردنی ئه‌نجومه‌نی پارێزگاكانی عیراقی دوورخستووه‌ته‌وه‌، كه‌ تایبه‌تمه‌ندیی و شیاوێتیی كاندیدبوونیان تێدا نه‌بووه‌. 

به‌گوێره‌ی زانیارییه‌كانی كۆمسیۆنی باڵای سه‌ربه‌خۆی هه‌ڵبژاردنه‌كان، ئه‌و ژماره‌ كاندیده‌ی كه‌ دووخراونه‌ته‌وه‌، په‌یوه‌ندییان هه‌بووه‌ یان مه‌یلیان بۆ حزبی به‌عس و ده‌سه‌ڵاتی پێشووی عیراق هه‌بووه‌، كه‌ به‌ یاسا قه‌ده‌غه‌كراوه‌.

له‌ماوه‌ی رابردوودا، محه‌مه‌د شیاع سودانی، سه‌رۆك وه‌زیرانی عیراق، ئاماده‌یی خۆی پیشاندا بۆ هه‌موو هاوكارییه‌كانی كۆمسیۆنی هه‌ڵبژاردن، به‌مه‌به‌ستی به‌رێوه‌چوونی هه‌ڵبژاردنێكی دوور له‌ ساخته‌كاریی