مه‌ودا میدیا -

وه‌زاره‌تی ده‌ره‌وه‌ی عیراق به‌بۆنه‌ی روودانی بومه‌له‌رزه‌ له‌ ئه‌فغانستان، پرسه‌نامه‌یه‌كی ئاراسته‌ی حكومه‌تی كابول كرد و سه‌ره‌خۆشیی لێكرد به‌بۆنه‌ی گیانله‌ده‌ستدانی 2 هه‌زار كه‌س و زیانگه‌یاندنی مادیی به‌رچاوی به‌ پارێزگای هرات له‌ خۆرئاوای ئه‌و وڵاته‌.

وه‌زاره‌تی ده‌ره‌وه‌ی عیراق له‌ پرسه‌نامه‌كه‌دا سه‌ره‌خۆشیی له‌ گه‌لی ئه‌فغانستان و هیوای چاكبوونه‌وه‌ی بۆ برینداره‌كان خواستووه‌.

دوێنێ شه‌ممه‌، بومه‌له‌رزه‌یه‌ك به‌ گوڕی 6.3 پله‌ی رێخته‌ر خۆرئاوای ئه‌فغانستانی هه‌ژاند، به‌گوێره‌ی ئاماره‌كان، 2 هه‌زار كه‌س گیانیان له‌ده‌ستداوه‌.