مه‌ودا میدیا -

عیراق یه‌كه‌م هه‌نگاوی نا له‌ بواری تاكسی ده‌ریایی له‌ به‌غدای پایته‌خت به‌مه‌به‌ستی كه‌مكردنه‌وه‌ی قه‌ره‌باڵغی هاتووچۆ له‌كاتێكدا كه‌ ژماره‌ی دانیشتوی شاره‌كه‌ گه‌یشتووه‌ته‌ 11 ملیار كه‌س. 

به‌گوێره‌ی سه‌رچاوه‌كانی هه‌واڵی عیراق، تاكسی ده‌ریایی كه‌وتووه‌ته‌ كار له‌جۆره‌كانی 40 نه‌فه‌ریی و 30 نه‌فه‌ریی و 10 نه‌فه‌ریی به‌مه‌به‌ستی كه‌مكردنه‌وه‌ی قه‌ره‌باڵغی هاتووچۆ ، له‌كاتێكدا كه‌ شاری به‌غدا له‌ ئێستا به‌گوێره‌ی ئاماره‌كانی هاتووچۆی به‌غدا، هه‌شت ملیۆن ئۆتۆمبێلی تێدایه‌. 

تاكسی ده‌ریایی هاوڕێی ژینگه‌یه‌ و له‌لایه‌ن وه‌زاره‌تی گواستنه‌وه‌ی عیراقه‌وه‌ دابینكراوه‌ بۆ كه‌مكردنه‌وه‌ی قه‌ره‌باڵغی هاتووچۆی ناوشار و خاوه‌نی سه‌لامه‌تیی و تایبه‌تمه‌ندیی نێوده‌وڵه‌تییه‌.