مه‌ودا میدیا -

گۆڕێكی به‌كۆمه‌ڵی ئێزیدییه‌كان له‌ قه‌زای شه‌گال كه‌ ساڵی ساڵی ٢٠١٤ له‌سه‌ر ده‌ستی چه‌كداره‌كانی داعش ئه‌نجامدراوه‌ هه‌ڵدرایه‌وه‌ و ده‌ركه‌وت 60 رووفاتی تێدایه‌ و بڕیاره‌ به‌مه‌به‌ستی ناسینه‌وه‌ی خێزانه‌كانیان ره‌وانه‌ی پزیشكیی دادیی به‌غدا بكرێن.

سه‌رچاوه‌كانی هه‌واڵ له‌زاری به‌رپرسانی ئێزیدییه‌وه‌ بڵاویانكرده‌وه‌، لە یه‌ك گۆڕی به‌كۆمه‌ڵدا کە ھەڵدراوه‌ته‌وە، رووفاتی زیاتر لە 60 کەسی تێدا بووە و ئەو رووفاتانە بۆ پشکنینی DNA ڕەوانەی پزیشکیی دادیی بەغدا دەکرێن.

هێرشی گرووپی چه‌كداری داعش بۆ سه‌ر شاره‌ ئێزیدینشینه‌كان، چه‌ندین گۆڕی به‌كۆمه‌ڵ و تاكه‌كه‌سیی لێبه‌جێماوه‌ و له‌ئێستادا هه‌وڵه‌كان بۆ هه‌ڵدانه‌وه‌یان به‌هه‌ماهه‌نگیی چه‌ند لایه‌نێكی ره‌سمیی ده‌ستیپێكردووه‌ به‌هه‌ماهه‌نگیی نێوان به‌غدا و پزیشكیی دادیی موسڵ و تیمی هه‌ڵدانه‌وه‌ی گۆڕه‌به‌كۆمه‌ڵه‌كان، كه‌ پێشبینی ده‌كرێت 12 روفاتی تێدا بێت. 

ئاماژه‌به‌وه‌شكراوه‌، 119 گۆڕی به‌كۆمه‌ڵ و تاكه‌كه‌سیی له‌ قه‌زای شه‌نگال دۆزراونه‌ته‌وه‌ كه‌ تایبه‌تن به‌ ئێزیدییه‌كان و له‌ناویاندا 42 گۆڕیان هه‌ڵدراونه‌ته‌وه‌ و 25 گۆڕی تاكه‌كه‌سیش هه‌ڵدراونه‌ته‌وه‌.