مه‌ودا میدیا - 

سه‌رچاوه‌یه‌كی هه‌واڵیی رووسیی له‌ راپۆرتێكدا نهێنیه‌كی نێوان عیراق و ئه‌مریكای ئاشكراكرد، كه‌ له‌ دوو قۆناغ و كاتی جیاوازدا روویداوه‌ و تێیدا عیراق هاوكارییه‌كی به‌رچاوی دارایی له‌ ئه‌مریكا وه‌رگرتووه‌. 

به‌گوێره‌ی ئاژانسی هه‌واڵی سپۆتنیكی رووسیی، ئه‌مریكا له‌ ساڵی 2001ه‌وه‌ هاوكاریی مادیی ژماره‌یه‌ك وڵاتی ناوچه‌كه‌ و جیهانی كردووه‌ و چه‌ندین ملیار دۆلار هاوكاریی كردوون، یه‌كێك له‌و وڵاتانه‌ عیراق كه‌ له‌ماوه‌ی 22 ساڵی رابردوودا زیاتر له‌ 65 ملیار دۆلار هاوكاریی له‌ ئه‌مریكا وه‌رگرتووه‌.

ئه‌و ئاژانسه‌ رووسییه‌ روونیكردووه‌ته‌وه‌، عیراق له‌ ماوه‌ی 22 ساڵی رابردوودا زیاتر له‌ 56 ملیار دۆلاری له‌ ئه‌مریكا وه‌رگرتووه‌ وه‌ك هاوكاریی، ته‌نها له‌ ماوه‌ی دوو ساڵی رابردوودا عیراق 824 ملیۆن دۆلاری ئه‌مریكا وه‌رگرتووه‌.