مەودا میدیا-

بەڕێوەبەرایەتیی گشتیی کاروباری مادەی هۆشبەر لە وەزارەتی ناوخۆی عیراق رایدەگەیەنێت ئەمساڵ 16 هەزار و 399 کەس لەسەر مادەی هۆشبەر دەستگیرکراون.
 
بەپێی ئامارێکی بڵاوکراوەی بەڕێوەبەرایەتیی گشتیی کاروبای مادەی هۆشبەر لە وەزارەتی ناوخۆی عیراق کە تیادا هاتووە "ئەمساڵ 16 هەزار و 399 کەس بە تاوانی مادەی هۆشبەر دەستگیرکراون، کە 9600یان سزای لەسێدارەدان و زیندانی تاهەتاییان بۆ دەرچووە".
 

بەپێی ئاماری بەڕێوەبەرایەتییەکە بێت "هەر ئەمساڵ دەست بەسەر سێ تۆن و 528 کیلۆ مادەی هۆشبەر و 618 دەمانچە، 325 کڵاشینکۆڤ و 173 نارنجۆک و 1596 ئۆتۆمبێلدا گیراوە".

ئەوەشخراوەتەڕوو "لە رووبەڕووبوونەوەکاندا 13 بازرگان کوژران و 11ی دیکە بریندار بوون، لەگەڵ کوژرانی سێ کارمەندی هێزەکانی بەرەنگاربوونەوەی مادەی هۆشبەر و برینداربوونی 23ی دیکە".

س،ر