مه‌ودا میدیا - 

له‌ كۆبوونه‌وه‌ی ئه‌مڕۆ پێنجشه‌ممه‌ی حه‌شدی شه‌عبییدا كه‌ سه‌رجه‌می به‌رپرسانی باڵای ئه‌و هێزه‌ تێیدا به‌شدارییانكرد، بڕیاردرا به‌ راگه‌یاندنی باری نائاسایی و خۆئاماده‌كردن بۆ هه‌ر پێشهاتێك.

به‌گوێره‌ی راگه‌یه‌ندراوی حه‌شدی شه‌عبیی، له‌ ئه‌مڕۆ پێنجشه‌ممه‌وه‌ حاڵه‌تی نائاسایی پله‌ یه‌ك راگه‌یه‌ندراوه‌ و خۆئاماده‌ ده‌كه‌ن بۆ هه‌ر پێشهاتێك كه‌ ئه‌گه‌ری هه‌یه‌ به‌بۆنه‌ی شه‌ڕی غه‌زه‌وه‌ له‌ رۆژانی داهاتوودا رووبدات.

به‌رپرسانی باڵای حه‌شدی شه‌عبیی ئیدانه‌ی هێرشی ئیسرائیلیان كرد بۆ سه‌ر شاری غه‌زه‌ و ئاماده‌ییان پیشاندا بۆ داكۆكییكردن له‌ غه‌زه‌ به‌هه‌ماهه‌نگیی له‌گه‌ڵ ده‌زگا ره‌سمییه‌كانی تری عیراقدا.