مه‌ودا میدیا - 

وه‌زاره‌تی گواستنه‌وه‌ی عیراق ئه‌مرۆ پێنجشه‌ممه‌ بریاریدا هه‌ر كارمه‌ندێكی وه‌سفی حزبی به‌عس و سه‌دام حسین بكات، لێپێچینه‌وه‌ی له‌گه‌ڵدا بكات و سازشی له‌سه‌ر نه‌كات.

به‌گوێره‌ی راگه‌یه‌ندراوی وه‌زاره‌تی گواستنه‌وه‌ی عیراق، لیژنه‌ پێكهێنراوه‌ و له‌ كۆبوونه‌وه‌دا راگه‌یه‌ندراوه‌ كه‌ هه‌ر كارمه‌ندێك وه‌سفی ئه‌رێنیی سه‌دام حسین و حزبی به‌عس بكات، لێكۆڵینه‌وه‌ی لێده‌كرێت و سزا ده‌درێت.

ئه‌وه‌ش له‌كاتێكدایه‌، دادگای تاوانه‌كانی عیراق له‌ رۆژانی رابردوودا سزای 7 ساڵ زیندانیی به‌ غیابیی بۆ ره‌غه‌د كچی سه‌دام حسین بڕییه‌وه‌ و جارێكی تر دۆسیه‌ی بنه‌ماڵه‌ی سه‌دام حسینی وروژانده‌وه‌ له‌ دۆسیه‌ی به‌هه‌ده‌ردانی پاره‌ی عیراقدا.