مه‌ودا میدیا -

هاوكات له‌گه‌ڵ بۆردوومانه‌كانی سوپای ئیسرائیل و نه‌بوونی خزمه‌تگوزارییه‌ سه‌ره‌تاییه‌كان له‌ شاری غه‌زه‌دا، ئه‌مڕۆ سێشه‌ممه‌ بۆ یه‌كه‌مجار باران باری و خێمه‌ی ئاواره‌كان پڕبوون له‌ ئاو.

ده‌زگای میدیایی جه‌زیره‌ له‌زاری ئاواره‌ خێمه‌نشینه‌كانه‌وه‌ بڵاویكرده‌وه‌، كه‌ باران ژیانی لێتێكداون هاوكات له‌گه‌ڵ بۆردوومانه‌كاندا و ره‌خنه‌شیان له‌ وڵاته‌ عه‌ره‌بییه‌كان گرت كه‌ بێده‌نگن و نه‌رمیی له‌گه‌ڵ ئیسرائیل و ئه‌مه‌ریكا ده‌نوێنن.

شه‌ڕی نێوان ئیسرائیل و حه‌ماس پێی ناوه‌ته‌ رۆژی سی و هه‌شته‌م و هێشتا هیچ ئاماژه‌یه‌كی ئاگربه‌ست بوونی نییه‌ و تا دێت دانیشتوانی شاری غه‌زه‌ زیاتر لێقه‌وماو و ئاواره‌ ده‌بن.