مەودا میدیا-

رۆژی چوارشەممە 22ی تشرینی دووەمی 2023 بە نێوەندگیری ئەمەریکا و میسر ئاگربەستی نێوان حەماس و ئیسرائیل راگەیەندرا و بڕیاره بۆ ماوەی چوار رۆژ جەنگ رابگیرێت.

لە ئەمڕۆ هەینی 24ی تشرینی دووەمی 2023 ئاگربەستەکەی غەززە بەنێوەندگیری ‌ئەمەریکا و میسر دەچێتە بواری جێبەجێکردنەوە و چوار رۆژ دەخایەنێت و لەو ماوەیەدا 50 بارمتەی ئیسرائیلیی و 150 بارمتەی فەڵەستینی ئازاد دەکرێن، کاتژمێر 4:00ی دوانیوەڕۆی ئەمڕۆ یەکەم قۆناغی ئاڵوگۆڕی دیلەکان ئەنجام دەدرێت.

وەزارەتی دەرەوەی قەتەر دەڵێت "هەموو هەوڵێک دەدەین ئاگربەستەکە لەکاتییەوە ببێتەوە هەمیشەیی"، هەروەها سوپای ئیسرائیلیش رایگەیاند"رێگە بە هاتووچۆی هاوڵاتیان نادەین لە باشورەوە بۆ باکووری غەززە".

لە 7ی تشرینی یەکەمی 2023 بە هێرشی حەماس بۆ سەر ئیسرائیل شەڕی غەززە دەستیپێکرد و تاوەکو ئێستا بەردەوامی هەیە و بەپێی دوایین ئامار ژمارەی کوژراوانی فەڵەستینییەکان لە کەرتی غەززە 13 هەزار کەسی تێپەڕاندووە و زیاتر لە 30 هەزار کەسی دیکەش برینداربوون، هەروەها زیاتر لە هەزار و 400 ئیسرائیلی کوژران و زیاتر لە 240 کەسیش لای حه‌ماس بە بارمتە دەستگیرکراون.

س،ر